Græðgi

Menn hafa klárlega ekki kunnað sér hóf né stundað eðlilega áhættugreiningu.

Þúsund milljarða vöxtur útlána Glitnis

Slagsmál afþökkuð í augnablikinu

Er of mikils mælst til þess að þessi slagsmál fari fram annarsstaðar?

Svona rétt á meðal enn er hægt að bjarga landi og þjóð?

Að sjálfssögðu þýðir það ekki að ríkisstjórnin eigi að fá sinn "Vinnufrið", heldur þarf ríkisstjórnin og allir helstu stjórnendur ríkissins að víkja hið snarasta.

Þau geta svo haldið sínum slag áfram utan landhelginnar, ef þau það vilja.

6 fundir með seðlabankastjórn

En Jóhanna er heilög!

Hvernig dirfist maðurinn að tala svona um aðgerðir Jóhönnu? Hann hlýtur bara að hafa misskilið björgunaráætlunina?

Jóhanna hlýtur að leiðrétta manninn, hvað úr hverju. Ég er i öngum mínum.

Getur þessi maður ekki bara talað illa um Framsóknarflokkinn eða eitthvað?

Leysir ekki greiðsluvanda heimila

Hvað er þá vandamálið?

Seljum landsbankann úti í hvelli eða semjum um greiðslufrest í von um að eignirnar hækki í verði, þær gætu reyndar líka lækkað.

Þegar þetta icesave mál klárast getum við farið að koma viðskiptum í landinu í gang.

Icesave skuldin 640 milljarðar

IMF bíður eftir almenningi á Íslandi

Stjórnvöld eru klárlega búin að missa allan trúverðugleika sinn í augum annarra ríkja.

Nú liggur þetta á borði hins venjulega borgara og hvort hann vilji breyta stjórn landsins eða halda henni óbreyttri og reyna því að þreyja þorrann í þessu máli.

Ég get bara talað fyrir mig, og ég vil fá algjöra uppstokkun á stjórn landsins míns.

Fyrst af öllu þarf að ráða erlent ráðgjafafyrirtæki til að sjá um starfssemi bankanna til bráðabirgða.

Einnig þarf að setja þarf erlent ráðgjafafyrirtæki í framkvæmdastjórn undir Fjármálaeftirlitið sem sinnir eftirliti með starfssemi bankanna til bráðabirgða.

Í þriðja lagi þarf að ráða hæft fólk, hér heima og erlendis til að stjórna rannsókn á falli bankanna og hruninu almennt. Undir forsjá valdra erlendra aðila að sjálfssögðu.

Í fjórða lagi þarf að fá seðlabankastjórn frá norrænu seðlabönkunum til að taka að sér til bráðabirgða starfssemi Seðlabanka Íslands.

Í fimmta lagi þarf að klára Icesave málið til dæmis með því að bjóða aðgang að eigum Landsbankans á móti.

Í sjötta lagi þurfum við að halda borgarafundi um allt land til að finna rétta fólkið og réttu áherslur nýja Íslands. Ríkissjónvarpið þarf að koma að því starfi með því að flytja fréttir, ekki valinn áróður, af þessum atburðum.

Svo eftir þetta þarf að boða til kosninga.

Afgreiðslu umsóknar frestað

Það styttist í þetta...

Gullin framkoma til að tryggja óbreytta biðstöðu og klúður í landinu.

Ég held við getum öll verið sammála um að þessi tvö og þau sem þau "verja" séu endanlega búin að missa af plássi á Nýju Þjóðarskútunni.

Vegið ómaklega að ráðherrum

Maður að meiri

Það er gott þegar menn taka ábyrgð á eigin gjörðum, meira en aðrir hafa gert.

Skrýtin er tilfinningin að hér höfum við eina opinbera starfsmanninn sem sagt hefur af sér, eftir að fjármálalífið hrundi.

En kannski byrjar boltinn að rúlla með þessu?

Bjarni segir af sér

Hégómlegar vinsældarkannanir breyta engu.

Það hefði verið forvitnilegt og aukið tilgang könnunarinnar ef spurt hefði verið um sérstök mál. Til dæmis hefði verið gáfulegt að spyrja: Með hvað ertu ánægð/ur með hjá eftirfarandi ráðherrum.

Það hefði verið könnun sem hægt væri að byggja eitthvað raunverulegt á.

Ríflega helmingur ánægður með Geir

Ekki benda á mig, ég var að þvo á mér hárið.

Það er aldeilis hvað sumir eru meðvitaðir um umhverfi sitt.

Að vita ekki af vandræðum sem gætu orsakað þjóðargjaldþrot er útaf fyrir sig eitt alvarlegasta brot sem opinberir starfsmenn geta játað á sig, og allir játa þeir.

En samt mæta þeir í vinnuna á hverjum degi og dunda sér við hugðarefni sín ótruflaðir af yfirmönnum sínum.

Ráðherrarnir koma af fjöllum

Hávær Þögn, en þögn engu að síður!

Nú væri gaman ef maður vissi á hverju strandar í samstarfi flokkanna? Eða hvort þetta sé bara enn eitt moldviðrið?

Til að koma boltanum af stað væri vafalaust vænlegt til árangurs að byrja á Davíðsmálinu og setja fram tillögu um að Alþingi kjósi um það hver situr í Seðlabankanum. Ef Alþingi hefur ekki vald til að ákveða það, þá er sú lagabreytingartillaga greinilega fyrst í röðinni.

Ef þetta er ekki hægt, þá væri gaman að heyra SJÓNARMIÐ um af hverju ekki.

Óljóst kvart og kvein skilar okkur engu í þessari stöðu sem við erum í.

Vilja nýjan stjórnarsáttmála