IMF bíður eftir almenningi á Íslandi

Stjórnvöld eru klárlega búin að missa allan trúverðugleika sinn í augum annarra ríkja.

Nú liggur þetta á borði hins venjulega borgara og hvort hann vilji breyta stjórn landsins eða halda henni óbreyttri og reyna því að þreyja þorrann í þessu máli.

Ég get bara talað fyrir mig, og ég vil fá algjöra uppstokkun á stjórn landsins míns.

Fyrst af öllu þarf að ráða erlent ráðgjafafyrirtæki til að sjá um starfssemi bankanna til bráðabirgða.

Einnig þarf að setja þarf erlent ráðgjafafyrirtæki í framkvæmdastjórn undir Fjármálaeftirlitið sem sinnir eftirliti með starfssemi bankanna til bráðabirgða.

Í þriðja lagi þarf að ráða hæft fólk, hér heima og erlendis til að stjórna rannsókn á falli bankanna og hruninu almennt. Undir forsjá valdra erlendra aðila að sjálfssögðu.

Í fjórða lagi þarf að fá seðlabankastjórn frá norrænu seðlabönkunum til að taka að sér til bráðabirgða starfssemi Seðlabanka Íslands.

Í fimmta lagi þarf að klára Icesave málið til dæmis með því að bjóða aðgang að eigum Landsbankans á móti.

Í sjötta lagi þurfum við að halda borgarafundi um allt land til að finna rétta fólkið og réttu áherslur nýja Íslands. Ríkissjónvarpið þarf að koma að því starfi með því að flytja fréttir, ekki valinn áróður, af þessum atburðum.

Svo eftir þetta þarf að boða til kosninga.

Afgreiðslu umsóknar frestað

Athugasemdir

[Jón Steinar Ragnarsson, 12.11.2008 kl. 11:06]

IMF er innheimtustofnun með slagsíðu, ekki bjargráðasjóður. Það hefur berlega komið í ljós.

[Jón Finnbogason, 12.11.2008 kl. 11:11]

Hvaða möguleikar standa okkur opnir?

[Guðmundur Ásgeirsson, 12.11.2008 kl. 15:08]

Sjálfsþurftabúskapur?

[Jón Finnbogason, 12.11.2008 kl. 15:53]

Sjálfsþurftabúskapur tryggir fólksflóttann. Betra að fara á vertíð erlendis og koma svo aftur frekar en að taka þann slag.