Bloggfærslur mánaðarins, apríl 2009

Vesen

Ástþór verður brjálaður.

Það þarf að einfalda þessar framboðsreglur, það er ekki fyrir venjulegan mann að standa í þessu.


mbl.is Kjörstjórn klofnaði í Kraganum
Tilkynna um óviðeigandi tengingu við frétt

Stuð og gaman - suð og saman

Gott að Samfylkingunni líður vel, ekki veitir af á þessum síðustu og verstu.

Ég veit ekki alveg hvernig ESB á að leysa vandann, samfylkingin segir mér það allavega aldrei. Að sjálfssögðu bíð ég þess ekki að heyra frá henni varðandi nokkurn skapaðan hlut, það tæki mig ævina.

Helst hef ég heyrt frá Samfylkingunni að traust kröfuhafa á ESB sé svo mikið að þeir leyfi endurfjármögnun sjálfkrafa ef við erum meðlimir, eða mögulega væntanlegir meðlimir öllu heldur. Það er áhugavert, hvað ætli viðskiptafræðin segi við því?

Svo fáum við Evru, reyndar eftir dúk og disk þegar við uppfyllum skilyrðin. Ungverjar sem áttu að fá Evru um áramótin var neitað um hana vegna lélagrar efnahagsstöðu svo það er ekki einsýnt með þessa Evru. En það skiptir víst ekki máli þar sem trúin á að evran sé að koma er nóg, prófum að segja Ungverjum það!

Bankavesenið er það sama hér heima og erlendis, með þeim mikla mun að ríkið svaf meðan innlánsreikningar blésu út. Það gerðist ekki á sama hátt erlendis. Spurning hvort skrifborð í Brussel verði betra en nýráðinn embættismaður hér á landi við að vakta það framvegis?

Hvað verðum um kvótann í sjónum í ESB veit enginn fyrir víst, hvort sem hann heldur áfram að vera í eigu kvótakónga hér á landi eða skriffinna í Brussel. Skiptir mig persónulega engu máli, nema auðlindirnar verði færðar í þjóðareign.

Hvar nákvæmlega munurinn á EES og ESB liggur hef ég ekki lesið í þessu fréttaflóði af ESB slagnum, hef þurft að kafa annað til að fá þær einföldu upplýsingar. Það er kannski einhver þarna úti sem hefur tekið þetta saman á þægilegan hátt?

Tollarnir væru engir innan ESB en undir ESB komið hvernig þeir eru utan þess. Það ætti að lækka vöruverð? Ætti. Ef fákeppni hættir samhliða.

Flest annað er eins og verður óbreytt. (ofureinföldun hjálpar oft til við að fá umræðu:))


mbl.is Húsfyllir á fundi Samfylkingar
Tilkynna um óviðeigandi tengingu við frétt

Ónotuð hús

Af hverju tekur hústökufólkið ekki yfir einhverja blokkina í Salahverfinu?

Væri æði að fá smá fjölbreyttni í mannlífið í úthverfin.


mbl.is Hústökufólk beðið um að víkja
Tilkynna um óviðeigandi tengingu við frétt

Markaðsvæðingin

Ef þú auglýsir ekki, veit enginn hver þú ert. Þetta er kennt í skólum útum allan heim og endurtekið í síbylju fjölmiðla og daglegrar umræðu.

Ekki skrýtið að félagsskapur sem framleiðir ekkert en verður að vera þekktur tapi peningum í þessu umhverfi.

Kjósendur styrkja svo þessa hegðun, ella væri ekki auglýst.

Greinilega þarf að útbúa nýjar og vitrænni reglur utan um þennan nýja heim okkar.

Verst að bestu hugsuðir þessa heims eru svo illa kynntir að fólk veit eiginlega ekki hverjir þeir eru og mun vafalaust ekki treysta þeim til stórra verka.


mbl.is Flokkarnir skulda hálfan milljarð
Tilkynna um óviðeigandi tengingu við frétt

Davíðstrikkið

Þorgerður tekur Davíð á þetta, þegar eitthvað bjátar á er andstæðingurinn sakaður um eitthvað til að færa athyglina til.

Já, það er greinilega sárt þegar sannleikurinn kemur fram. Búið að afhjúpa Sjálfsstæðisflokkinn og í stað þess að gera upp þessa rotnu fortíð er byrjað að bíta frá sér.

Fólk með svona viðbrögð á skilið langa hvíld frá völdum.


mbl.is „Hvítþvegin bleyjubörn“
Tilkynna um óviðeigandi tengingu við frétt

Opna á allt bókhald eins langt og gögn ná

Leynd yfir fjármálum stjórnmálaflokka er meinsemd í ríkinu. Það á að skýra frá öllum tekjum og öllum gjöldum þeirra eins langt og gögn eru til um það. Fjölmiðlavinnslan krefst þess reyndar að fréttum sé skammtað til að tryggja hámarks áhorf. En þessi leikur verður vonandi ekki til þess að, þegar fólk hættir að nenna að hlusta á þessar fréttir, hætti þær að berast og við missum af einhverju mikilvægu.

Það þarf líka að kanna dótturfélög flokkanna, oft tengd einstaka framboðum og aðildarfélögum, því eins og við höfum lært hjá góðærisfyrirtækjunum geta þau leynt ýmsu.

Röksemdin um að ekki eigi að upplýsa um styrki því styrkveitandi hafi búist við leynd, er eiginlega svo rotin að ekki á að hlusta á hana. Því hún tekur afstöðu með þeim sem vilja hafa áhrif á stjórnmálaflokka án þess að fólkið uppgötvi það. Að sjálfssögðu getur líka verið að fólk vilji ekki styggja viðskiptavini með því að gefa upp stjórnmálaskoðun eigenda, en sú ástæða er svo léttvæg í þessu árferði hún á ekki við.


mbl.is Landsbankinn veitti 2 styrki
Tilkynna um óviðeigandi tengingu við frétt

« Fyrri síða

Innskráning

Ath. Vinsamlegast kveikið á Javascript til að hefja innskráningu.

Hafðu samband