Umbætur?

Hvernig ætli þeir vilji betrumbæta fjármálakerfið?

Það sem klikkaði í þetta skipti var að of miklir peningar voru lánaðir út og þeim svo sóað í vitleysu.

Ég stórefa betrumbæturnar verði til þess að lán hætti að flæða í skringilega neyslu.

Þess í stað mun endurbætt kerfi lengja endurgreiðslutímann af lánum, og stækka þannig hagkerfið enn meira. Ásamt því að fjölga eftirlitsaðilum sem henda reglulega þeim sem klúðra verst útúr kerfinu til að viðhalda traustinu.

Svona minn spádómur.

Þetta er ekki það sniðugasta sem hægt er að gera en verður held ég lendingin.

Umbætur á fjármálakerfi brýnar

Athugasemdir

[Jón H. Þórisson 14.2.2009 kl. 19:23]

"Hvernig ætli þeir vilji betrumbæta fjármálakerfið?"  Þeir sögðu reyndar ekki að þeir vildu betrumbæta fjármálakerfið heldur sögðu þeir að það þyrfti umbætur á því (þeir koma væntanlega ekkert nálægt því vertu viss).

Innantóm yfirlýsing um ekki neitt eftir tveggja daga fund.  Þeir hefðu getað komist að þessari niðurstöðu fyrir nokkrum mánuðum síðan með því að hittast í fimm mínútur (eða tala saman í síma).  Eina sem kom út úr þessum fundi er að sennilega tókst þessum fjármálaráherrum að friða sína eigin samvisku með því að telja sjálfum sér trú um að þeir hafi verið að gera eitthvað annað en drekka kaffi og borða kökur í tvo daga.

Almenningur um allann heim hefur að ég held komist að þessari sömu niðurstöðu í október síðastliðnum.  Segir mikið um stjórnmálamenn ekki satt?

[Jón Finnbogason, 14.2.2009 kl. 21:50]

Ætli stjórnmálamenn ráði nokkru, held það sé fyrst og fremst hræðslan við hávaðann sem ræður hvað stjórnmálamenn gera.

Hávaðinn í bönkum og mönnum í fjármálalífinu, hávaðinn í fjölmiðlum sem tengjast þessum mönnum, hávaðinn í grasrótarsamtökum um stemmingu ríkjandi ástands og annar heilaþvottur kemur í veg fyrir upplýsta umræðu um þessi mál.

En það hafa örugglega verið ræddir nokkrir lykilpunktar á þessum fundi, sem menn kannast svo við þegar kemur að því að taka ákvarðanir um þá seinna meir. Svona fundir eru notaðir til að undirbúa jarðveginn, árangurinn sést ekki fyrr en eftir nokkurn tíma.