Klúður og heimska

Af hverju er fólk að taka svona stór lán til að borga fyrir neyslu?

Fólk þarf nauðsynlega að vita hvernig á að umgangast verðmæti og lán. Gott skipulag á því væri að þeir sem skulda eitthvað væru með opna fyrirlestra fyrir skólakrakka og á ríkisstöðinni um af hverju það lenti í skuldasúpunni. Eða fólk gæti farið að blogga reynslusögur sínar á netið.

Samfélagið þarf að aðlaga sig, ef þessi aðlögun næst ekki getum við gleymt því að halda uppá 1200 ára afmæli byggðar á Íslandi.

Ég get byrjað. Ég skulda námslán, um 200.000 krónur. Ég átti bíl á lánum fyrir 2,2 milljónir þar til ég seldi hann þegar ég fór í víking fyrir rúmlega ári síðan. Þegar ég seldi hann fór lánið með. Ég hef farið í stórar sólarstrandaferðir með skemmtilega stóra greiðslukortareikninga en aldrei verið meira en 3 mánuði að klára að greiða þá. Ég keypti mér ekki íbúð þegar allir gátu fengið lán, ég bjó hjá foreldrum mínum og borgaði þeim leigu. Hefði reyndar aldrei keypt stærri íbúð en þá sem útleiga hefði getað séð um lánið fyrir. Ég er ekki fjármálasnillingur, ég tapaði fullt af pening á hlutabréfum. Allur sá peningur var minn peningur, ekkert á lánum og allur hluti tapsins peningur sem hækkum bréfa áður hafði hvort eð er skilað mér. Ég er ekki byrjaður að vinna frá því ég byrjaði í skólanum hér úti, því ég safnaði eins og bjáni frá því ég var tvítugur til mögru áranna. Hef því lifað hér í Danmörku, í rúmt ár á hárri leigu, nýju innbúi en ódýrum mat, á eigin sparnaði. Bráðum þarf ég að fara að vinna, það er mín þrautarvörn.

Stöðugt fleiri leita aðstoðar vegna skulda

Athugasemdir

[Sigurjón, 17.9.2008 kl. 11:32]

Alveg sammála þér.  Þetta er klúður og heimska.  Að taka lán í erlendri mynt þegar gengi krónunnar er hátt, er forheimska!

[Jón Finnbogason, 17.9.2008 kl. 11:55]

Ætli það séu ekki öll lán sem fólk þarf að varast? Erlend eða innlend.