Eykur traust

Þessir samningar eru afar jákvæðir. Vonandi verður þetta nóg fyrir bankanna, 1500 milljón evrur allt í allt.

Seðlabankinn að gera góða hluti með þessu, geta vafalaust snúið sér að öðrum aðgerðum til að tryggja fjármálastöðugleikann enn frekar.

Aldrei að vita nema þetta virki sem sinnep í rassgatið á stjórninni og hún fari nú að gera eitthvað af því sem þarf að gera t.d. endurskoða fjárlög og auka tækifæri til útflutnings.

Svo væri ekki úr vegi að við færum öll að leggja fyrir, það er jú undirstaðan að þessu öllu. Skylduiðgjald í Lífeyrissjóð hefur til dæmis á um 40 árum náð góðri fótfestu, ásamt viðbótarlífeyrissparnaði nýverið. Hvernig væri ef fólki yrði t.d. leyft að leggja inn hluta brúttó launa sinna inn á ákveðna reikninga og væri skattfrjáls, enda þyrfti hver ársinnlögn að vera inni í ákveðinn fjölda ára, sem dæmi 5 ár. Þetta þyrfti ekki að vera meira en 1% af launum til að stuðla að mikilli hugarfarsbreytingu á stuttum tíma.

Fyrsti þáttur í lengra ferli