Lækkun virðisaukaskatts?

Ég las þessa frétt og hugsaði "það var nú gott". Svo las Bryndís fréttina og sá strax að þetta gæti vel tengst nýlegri lækkun virðisaukaskatts. Gæti verið að matarverð sé með of háa álagningu, spurði hún.

Það væri nú gaman ef blaðamenn myndu hugsa svona eins og hún í stað þess að copy-paste-a fréttir beint frá OMX. Eins gott að engin stafsetningavilla var í tilkynningunni frá OMX.

Viðsnúningur í rekstri Haga

Til hvers eru fangelsi?

Mér finnst frekar erfitt að kyngja því að við þurfum á fleiri fangelsum að halda, er til svona mikið af fólki sem er óalandi úti meðal venjulegs fólk? Hvaða afbrot eru þetta helst?

Fíkniefnabrot: Persónulega finnst mér að þeir sem gerast sekir um að flytja inn, selja og neyta eiturlyfja hafi ekkert í fangelsi að gera. Er líka svo gott að safna öllu þessu liði saman svo það geti kynnst betur í rólegheitum og haldið áfram að reyna að meika það í bransanum eftir vistina?

Ofbeldisverk (innbrot, morð, barsmíðar, nauðganir og svívirðingar): Hvernig endurhæfir/hefnir samfélagið sér á svona mönnum? Geyma þá í fangelsi? Ég veit það ekki, hvað segja fræðingarnir?

Auðgunarbrot: Bersýnilega með því að skylda menn til að sinna samfélagsþjónustu? Bæði bætir og refsar.

Hvað annað? Allavega finnst mér að það vanti heilstæðari umræðu um þessi mál áður en menn fara að rífast um hvort fangaverðir eigi að vera úr Reykjavík eða utan af landi.

Lýsa yfir stuðningi við áskorun fangavarða á Litla Hrauni

Sáttur maður

Vá hvað þessi hefur verið sáttur hálfri mínútu fyrir þetta atvik... "Hamilton hvað..." Verst það er enginn svartur kassi í bílum eins og í flugvélum?

Hvað varð um þessa kappakstursbraut þar sem "þetta lið" getur keyrt bílana sína til ljóssins? Átti hún ekki að vera tilbúinn núna? Man eftir þessu í fréttum fyrir aldamót.

Svo væri ekki vitlaust ef bílar gætu ekki keyrt hraðar en hámarkshraði segir til um. Hvaða rök eru aftur á móti því?

Lögreglan: Ótrúlegt að ekki skyldi verða stórslys

Ávani

Leiðinlegt þetta snus var gert ólöglegt á sínum tíma en ekki sígaretturnar og áfengið. Sömu forvarnarmálefni eru til hliðsjónar. Bendi á grein mína sem ég skrifaði fyrir nokkru síðan um sama málefni. 

Neftóbaksliðið stendur sig vel að troða þessu í efri, neðri og kinnarnar á sér. Alltaf jafngaman að sjá mann sem byrjað er að leka hjá.

3700 Íslendingar taka daglega í vörina

Réttarheimildir

Spennandi að sjá hvaða lagalegu ágreiningsefni ætli verði fjallað um. Ég sem hélt þetta væri fyrst og fremst pólitískt málefni.

Látum okkur sjá, hvaða lög gætu átt við.

• 1903 nr. 42 13. nóvember Lög um verslanaskrár, firmu og prókúruumboð
• 1965 nr. 64 21. maí Lög um rannsóknir í þágu atvinnuveganna
• 1980 nr. 53 28. maí Lög um jöfnun og lækkun hitunarkostnaðar
• 1982 nr. 36 7. maí Lög um Sinfóníuhljómsveit Íslands
• 1983 nr. 42 23. mars Lög um Landsvirkjun
• 1985 nr. 30 7. júní Lög um Veðurstofu Íslands
• 1989 nr. 60 31. maí Lög um Félagsmálaskóla alþýðu
• http://www.althingi.is/lagas/nuna/kaflar/7.html
• 1971 nr. 54 6. apríl Lög um Innheimtustofnun sveitarfélaga
• 1971 nr. 83 16. desember Lög um tekjur sveitarfélaga, samkvæmt gjaldskrám og reglugerðum1)
• 1998 nr. 45 3. júní Sveitarstjórnarlög

Eða verður þetta meira um meginreglur og eðli máls? Kannski farið í helstu réttarheimildir um starfssemi Sveitarfélaga?

Verður þetta streamað á netinu?

Orator með málþing um þátttöku ríkis- og sveitarféaga í einkarekstri

Biðstaða

Frábært hjá nýjum meirihluta að vilja skoða sameininguna við Geysir Green sem Sjálfstæðismenn keyrðu í gegn með látum. En hvað á að gera með REI á meðan? Er ekki kapphlaup í gangi um bestu kauptækifærin og bestu samningana núna?

Það þarf að leysa þetta REI mál sem fyrst, svo REI verði ekki verkefnalaust og flestir þeir starfsmenn sem einhvers mega sín fari yfir í annað félag.

Svandís bað Bjarna að fara hvergi

Tímaeyðsla?

Aumingja fólkið að þurfa að henda tugþúsunda virði (gef ég mér) af kókaíni út um glugga af því löggan var að stoppa þau.

Hvað er að gerast í baráttunni gegn neyslu fíkniefna? Einstaka fréttir af sendingum og sölu þessara efna er ekki til að uppræta vandann. Rót vandans liggur ekki í því að eitthvað lið ferðast um með kókaín í bílnum sínum heldur það að annað fólk vill kaupa kókaín og njóta þess.

Hverjir eru það sem brjóta af sér og raska almannareglu samfélagsins með fíkniefnum? Eru það framleiðendurnir, byrgjarnir, retail salarnir eða neytendurnir?

Þegar við höfum áttað okkur á því getum við farið að gera eitthvað í málinu.

Tökum til dæmis áróður gegn sígarettum og áfengisneyslu, þar dynja á okkur auglýsingar um hvað það sé ókúl og ógeðslegt að reykja og að maður eigi að neyta áfengis í hófi að mesta lagi. Mér finnst þessar auglýsingar virka. Á sama tíma eru fíkniefni í bíómyndum umvafin ljóma. Ef maður til dæmis horfir á kvikmyndir sér maður að allt ungt fólk í bandaríkjunum reykir mariuana. Spurning að taka um sömu baráttuaðferðir við fíkniefni?

Væri ekki líka betur komið fyrir skattpeningum okkar að lögreglan einbeitti sér að því að uppræta barnaklámhringi og ofbeldisverk? Í stað þess að stöðva lið á djamminu með of sterkan Vodka?

Hvítt ský barst frá bílnum

Yfirvarp

Hvað heldur fólk að svona hlutir hafi oft gerst? Einungis í þetta skipti?

Sniðugt hjá hernum að birta sjálfviljugir fréttina. Það eykur trúverðugleikan og fólk trúir enn betur á að "nálaraugað" í innra eftirliti hersins sé eins sterkt og þyngdaraflið.

Mér verður óglatt af þessu rugli. Hætta menn að hugsa um Blackwater og fara að snúa sér að þessu í fjölmiðlum núna?

 

70 bandarískum hermönnum refsað fyrir kjarnorkumistök

Skyldulesning

Datt inn á þessa grein á moggablogginu áðan. Ef þú ert hugsandi maður er góð hugmynd að lesa hana. http://marinogn.blog.is/blog/marinogn/entry/342739/.

Vandræðalegur Vilhjálmur

Vandræðalegt

Já já já - að horfa á kastljósið í kvöld er eins og að horfa á vandræðalegan raunveruleikaþátt.

Hvað er málið með Vilhjálm, mann sem var Borgarstjóri, formaður sambands íslenskra sveitarfélaga og fleira í mörg mörg ár. Hann er gersamlega útúr kortinu. Ég vona að Vilhjálmur sjái sér sóma í því að bakka útúr þessu og segja af sér sem fyrst.

Sjálfstæðisflokkurinn er væntanlega nýbúinn að gera uppkast að yfirlýsingu, hún mun hljóma eitthvað á þessa leið.

"Vilhjálmur gerði mistök, hann hefur nú axlað ábyrgð á því ólíkt öðrum svikurum. Þetta er persónulegur harmleikur Vilhjálms og Sjálfstæðisflokkurinn stendur keikur. Við munum veita nýjum meirihluta allra hinna flokkanna aðhald það sem eftir er kjörtímabilinu. kv, Gísli Marteinn"

Eins og þeir gera svo oft í svona tilvikum.

Minnist þess ekki að hafa séð minnisblaðið